کابل ټکی کام شهرت وردګ
تېره ورځ د پاکستان د بهرنیو چارو سلاکار ویلي دي چې له افغان طالبانو سره به د سولې خبرې په راتلونکي میاشت جنوری کې په اسلام اباد کې پیل شي.
څه موده وړاندې پاکستاني چارواکو ویلي وو چې راتلونکې خبرې به د جنوری په لمړیو ورځو کې پیل شي.
پرون په کابل کې د بهرنیو چارو د وزارت معاون دعوه وکړه چې دا خبرې به په کابل کې ترسره شي، خو سرتاج عزیز د افغان چارواکي په رد کې وویل چې دا خبرې به په کابل کې نه بلکې په اسلام اباد کې د جنورۍ په لسم یا پنځلسم پیل شي.
عزیز همداشان یاده کړه چې پدې غونډه کې به امریکا، چین، پاکستان او افغانستان چارواکي ګډون وکړي، او دا موافقه د غني او شریف ترمنځ په هغه ملاقات کې وشوه چې غني اسلام اباد ته د اسیا زړه هیوادونو په غونډه کې د ګډون لپاره راغلی وو.
د رویټرز خبري اژانس په یوه راپور کې وایي چې د سه شنبې په ورځ د ولسمشر غني دفتر یوه اعلامیه خپره کړه چې د پاکستان د فوځ لوی درستیز راحیل شریف سره په کابل کې غني د خبرو په مهال موافقه وکړه چې د سولې آینده خبرې به په کابل کې ترسره شي.
