(کابل ټکی کام ۱۳۹۷ لیندۍ۱۹)
د سعودي حکومت وایي د عرب خبریال خاشقجي په وژنه کې تورن کسان د ترکیې حکومت ته نه سپاري او په دې برخه کې ټولې اوازې ناسمې دي .
د سعودي د بهرنیو چارو وزیر ویلي، هیواد یې خپل اتباع د محاکمې لپاره بل هیواد ته نه سپاري او خپله یې محکمه کوي.
نوموړی وروسته تر هغه داخبرې کوي چې ترکیې څو ورځې وړاندې ویلي وو، چې محمد بن سلمان ته دوو نږدې څیرو سعود القحطاني او د استخباراتي ادارې مرستیال مشر جنرال احمد الاسیري دا کار کړی دی.
بل پلو داسې راپورونه هم ورکړل شوي چې د امریکا د خزانې وزارت د خاشقجي د قتل په تور تیره اونۍ د قحطاني په ګډون ۱۷ تنه سعودي چارواکي محاکمه کړي دي.
د ترکیې او سعودي ترمنځ د دغه عرب خبریال د وژل کیدو پر سر ناندریو اوس نړیوال پوښښ موندلی او آن ملګرو ملتونو یې هم په تړاو د جدي څیړنو غوښتنه کړې ده.
