ټاکل شوې چې نن د لاجورد لاره پرانيستل شي
(کابل ټکی کام، ۱۳۹۷، لیندۍ ۲۲)
ټاکل شوې چې نن د پنجشنبې په ورځ د لاجورد لاره پرانيستل شي او له دغه لارې په افغاني توکو بار نهه لارې ترکيې ته لاړې شي.
د دغه لارې د پرانيستلو مراسمو ته د ګډ حکومت مشر اشرف غني هم نن دغه ولايت ته سفر کوي او د دغه لارې د پرانيستلو تر څنګ د څو نورو پروژو پرانيسته هم کېږي.
د هرات د والي وياند جيلاني فرهاد وايي، د يادو مراسمو لپاره پوره چمتووالی نيول شوی (په عين حال کې به په هرات کې د ځمکني ترانزيت څو پورې هم پرانيستل کېږي).
تمه ده چې د لاجوردو لارې په مرسته د افغانستان توليدات اروپايي بازارونو ته ورسېږي.
د صنعت او سوداګرۍ وزارت مالي او اداري مرستيال اجمل حميد عبدالرحميزی وايي، د لاجوردو لاره د افغانستان او سيمې هېوادونو د سوداګرۍ او ترانزيت لپاره تر ټولو لنډه او امن لاره ده.
نوموړی وايي، د دغه لارې له پرانيستلو سره به په افغاني توکو بار لومړۍ محموله د لومړي ځل لپاره د اقينې او تورغنډۍ بندر له لارې په نهه بار وړونکو بار لاريو ۱۳۵ټنه بيلابيل سوداګريز توکي اروپا ته ولېږدول شي.
د لاجوردو لار چې مخکې ورته د ورېښمو لاره هم ويل کېده، له دوه لارو هرات او اقينې د ترکمنستان باشي بندر، له هغه ځایه کسپين بحيرې ته او له کسپينه بيا اذربایجان او جورجيا هېوادونو او د ترکيې له لارې افغانستان بيا له اروپايي هېوادونو سره نښلول کېږي.
