راتلونکې اونۍ؛ ولسي جرګه ۵ وزیران استیضاح کوي
(کابل ټکی کام ۱۳۹۷ لیندۍ ۲۷)
ولسي جرګه وایي، راتلونکې اونۍ به د کابینې پنځه وزیران استیضاح کړي.
د جرګې اداري پلاوی وايي، داځل د ټولګټو، مخابراتو، ترانسپورت، عدلیې او له نشه يي توکو سره د مبارزې وزیران ځکه استیضاح کوي،چې د پرمختیايي بودجې په لګښت کې پاتې راغلي دي.
د ولسي جرګې منشي عرفان الله عرفان وایي، د یادو وزارتونو وزیرانو په ۱۳۹۶ کال کې خپله اویا سلنه بودیجه هم نه ده لګولې.
د دوی په وینا، که وزیرانو ورته قناعت بښونکي ځوابونه ور نه کړل، دوی به یې په سلب صلاحیت هم غور وکړي
