(کابل ټکی کام : شنبه، مرغومی ۱۲مه، ۱۳۹۴ ل):
طالبانو ته نږدې سرچینو خبر ورکړی، چې ملا سید محمد حقاني په قوم اڅکزی د کندهار ښار اوسیدونکی او پياوړی عالم، تجربه کار او په سیاسي امورو پوه چې په اوسنی وخت کې د طالبانو د فرهنګي چارو کمیسیون مرستیال وه د ورپېښې ناروغۍ له کبله نن د مرغومي ۱۲ مه په حق ورسده .
ملاسید محمد حقاني چې د طالبانو د تحریک مهم غړی وه د طالبانو د واکمنۍ پر مهال د کندهار ولایت راډيو تلویزون اطلاعاتو او کلتور رئیس، د بهرنیو چارو وزارت مرستیال، داداره امور رئيس، د وزیرانو د شوری منشي او پاكستان كي سفير په حیث پاتې شوی وه .
همدا رنګه ملا سید محمد حقاني چې په سیاسي امورو کې يې ژور معلومات لرل د طالبانو د واکمنۍ په مهال د هغه هیئت غړی هم و چې له مخالفې ټلوالې سره د مذاکراتو لپاره مقرر شوی وو.
د امريکايي یرغل له پیل څخه مولوي سیدمحمد حقاني د طالبانو د فرهنګي کمېټې مرستیال پاتي شوی وه او د طالبانو د صف په منظم والي کې يې مهم رول درلود او د یوځای والي اتفاق او اتحاد په برخه کې د هېواد داخل او بهر ته سفرونه کړي وه.
ملا سید محمد حقاني په دې وروستیو کې د پاکستان د خیبر پښتونخوا ایالت ته پر سفر بوخت وه، چې هلته د سفر په مهال په ناڅاپي توګه د سینې په ناروغۍ اخته شو، یوه اونۍ یي سخته ناروغي تېره کړه د جمعې ورځې له سهاره يي تنفس په ټپه ودرېد او د ماشین په واسطه ورته اکسیجن ورکول کیده د شنبې په سهار یي د پيښور په یوه ملکي روغتون کې خپله ساه ورکړه.
سليم بریال
