امریکایي رسنۍ: ټرمپ له افغانستان څخه د خپلو زرګونو عسکرو په را ایستلو غور کوي
(کابل ټکی کام ۱۳۹۷ لیندۍ ۲۹)
امریکایي رسنۍ وایي ټرمپ په دې فکر کوي چې څنګه او کله له افغانستان څخه خپل ځواکونه را اوباسي.
والسټریټ ژورنال ورځپاڼې خبر ورکړی چې ښایي په راتلونکې جنوري میاشت کې ټرمپ له افغانستان څخه د خپلو زرګونو عسکرو د ایستلو پریکړه وکړي.
په عین حال کې سپيني ماڼۍ له دفاع وزارت څخه غوښتی دي چي له افغانستانه د امریکایی عسکرو د را ایستلو لپاره پلان چمتو کړي.
بلخوا بیا د امریکا د دفاع وزیر جیمز مټیس چې له سوریې څخه د امریکایي عسکرو د خروج بریکړې خواشینی کړی و، اوس له افغانستان څخه هم د دې پریکړې مخالفت کوي.
خو ټرمپ پر نوموړي ژغ کړی چې ژر تر ژره دې خپله دنده پریږدي.
رویټرز خبري اژانس ته د امریکا د دفاع وزیر جیمز میټس ویلي چې خپله دنده پریږدي ځکه چې ټرمپ داسې یو څوک د پنټاگون د رئیس په توگه گماري چې هغه د ده سره یوډول فکر ولري .
ټرمپ هیله لري چې دا اقدام به یې په امریکا کې لا محبوبیت زیات کړي او ښایي د راتلونکې ولسمشرۍ لپاره ترې د یوې سوژې په خاطر کار واخلي.
