اندونيزيا: د سونامي زلزلې له امله ۴۳ تنه وژل شوي، سلګونه نور ټپيان دي
(کابل ټکی کام، ۱۳۹۷، مرغومې ۲)
اندونيزيا کې يوځل بيا د سونامي د زلزلې له امله لسګونه کسان وژل شوي او سلګونه نور ټپيان شوي دي.
د اندونيزيا چارواکي وايي، سونامي د تنګه سوندا ټاپو کې (درې څلوېښت) تنه وژلي او سلګونه نور يې ټپيان کړي دي.
د راپورونو له مخې، لومړی په کراکاتوا ټاپو کې په يوه غره کې اورشېندنې د سيند په منځ کې زلزله رامنځته کړه او وروسته بيا په استوګن ځايونو د اوبو موجونه ورغلي چې ياده مرګ ژوبله يې اړولې ده.
چارواکي وايي، ښايي په دغه پېښه کې د اوښتو مرګ ژوبلې شميرې تغير وکړي.
د روان کال په اګست مياشت کې هم د دغه هېواد لومبوک جزيره کې د زلزلې له کبله له يونیم سل زيات کسان وژل شوي و.
په دغه هېواد کې وخت ناوخت د اتش فشان له کبله زلزلې رامنځته کېږي چې ډير کله پکې خلک ژوند له لاسه ورکوي خو تر ټولو زیات زيان يې د ٢٠٠٤ کال په دسمبر مياشت کې واړولو چې د سونامي څپو د ١٣٠ زرو تنو ژوند واخيست.
