(کابل ټکی کام ۱۳۹۷ مرغومی ۱۲)
د نیمروز د کرنې او مالدارۍ ریاست وايي سږکال په دغه ولایت کې د وچکالۍ له امله تر ۵۰۰ زره ډیرې غواګانې، پسونه او اوښان وژل شوي دي.
د دغه ولایت چارواکی وایي، سږکال د دې ولایت مالدارو کسانو ته نه جبرانیدونکې ضربه رسیدلې او هر مالدار سلګونه اهلي حیوانات له لاسه ورکړی دي.
د دغه ولایت د کرنې او مالدارۍ رئیس محمد اکبر شریفي وایي، د څارویو د مړينې د مخنیوي په خاطر د کرنې وزرات دغه ولایت ته ۳۸۶ ټنه حیواني خوراکه لیږلې او هغو مالدارانو ته چې تر ۵۰ زیات څاروی یې درلودل ، ویشلې ده.
پژواک ته د سیمې یوه مالداره ویلي، ۳۰۰ غواګانې یې درلودلې چې د اوبو د نشتون له کبله اوس یوازې ۱۲۰ پاتې او نور یې ووژل شوې دي.
د دغه ولایت خلک وایي، دولت ورته د یوې اونۍ یا یوې ورځې لپاره د څارویو خوراکه ورکړې او د دوی هیڅ درد یې نه دی دواکړی او په دې برخه کې یې د جدي پاملرنې غوښتنه کړې.
