اوچا: تیر ۲۰۱۸م کال د جګړو له امله نږدې “درې نیم لکه“ افغانان کډوالۍ ته اړ شوي
(کابل ټکی کام ۱۳۹۷ مرغومی ۱۶)
د ملګرو ملتونو د بشري مرستو د همغږۍ اداره “اوچا“ وایي په تیرکال کې سلګونه زره افغانان د جګړو له امله له خپلو مینو بیځایه شوي دي.
دغه اداره وایي،په تیر ۲۰۱۸ کال کې شاوخوا ۳۴۳ زره افغانان د سختو جګړو، شپنیو چاپو او عملیاتو له امله د کورونو پریښودو ته اړ شوې، چې دا شمیر له ۲۰۱۷ کال څخه کموالی ښیي.
د سرچینې د مالوماتو له مخې ، په ۲۰۱۷ کال کې تر ۵۰۰ زره ډیر افغانان د کورونو پریښودو ته اړ شوي وو.
اوچا وایي، په تیرکال کې ۳۰۰ زره افغانانو د وچکالۍ له امله هم کډوالۍ ته اړ شوې، چې دا ترټولو ستره او خطرناکه شمیره ده.
په عین حال کې د افغانستان د کډوالو او راستنېدونکو چارو وزارت وایي، سخته وچکالۍ، د کارونو نه شتون او نا امني هغه ستونزې وې چې تیر ۲۰۱۸ کال یې تر ۶۵۰ زره ډیر افغانان کډوالۍ ته اړ کړل
