برېښنا شرکت: د کاسا زر پروژه اته مياشتې وځنډول شوه
(کابل ټکی کام، ۱۳۹۷، سلواغه ۱۴)
د افغانستان د برېښنا شرکت وايي، ټاکل شوې وه چې د کاسا زر پروژه د تير ۲۰۱۸ميلادي کال تر پايه ګټې اخيستنې ته وسپارل شي خو تازه د دغه شرکت مسوولين وايي چې ياده پروژه اته مياشتې ځنډول شې ده.
د برېښنا شرکت د مشر امان الله غالب په وينا، پاکستان او تاجکستان کې ځينې ستونزې د دې لامل شوې چې کاسازر پروژه اته مياشتې وځنډېږي زياتوي چې دغه پروژه به د روان کال ترپایه بشپړه او ګټې اخيستنې ته وسپارل شي.
د غالب په وينا، د کاسا زر پروې له لارې به افغانستان او پاکستان ته “۱۳۰۰” ميګا واټه برېښنا صادره او افغانستان به له دې درکه هر کال پنځوس ميليونه ډالره د برېښنا د لېږد حق ترلاسه کوي.
کاسا زر په سيمه کې د انرژۍ د لېږد تر ټولو ستره پروژه ده چې له تاجکستان او قرغزستان څخه پاکستان او افغانستان ته برېښنا لېږدوي.
