(کابل ټکی کام، ۱۳۹۷، سلواغه ۱۴)
روغتيايي څېړونکي وايي، چې سهارنۍ ناشته د ورځې تر ټولو له مهمو خوراکونو څخه شمېرل کېږي او د وزن په کنترولولو کې هم مرسته کوي. حال دا چې په يوه نوې څېړنه کې ښودل شوې چې سهارنۍ ناشتې او د وزن کموالي تر منځ څه اړيکه نشته.
په وروستيو کې يوه داسې څېړنه ترسره شوې، هغه څوک چې سهارنۍ ناشته حتماً کوي هغه په ورځ کې ۲۶۰کالوري زيات خوراک کوي. یعنې له هغو کسانو چې ناشته نه کوي نيم کيلو ګرام زيات خوراک کوي.
د څېړونکو په وينا، دا خبره بايد هم په نظر کې ونيول شي چې سهارنۍ ناشته بدن ته کلشيم او فايبر په څېر ګټوره غزاء ورکوي.
د سهارنۍ ناشتې څخه ترلاسه شوې انرژي د دې لامل کېدلای شي چې انسان ټوله ورځ د غير ضروري شيانو له خوړلو څخه ليرې وساتي.
همدارنګه په څېړنه کې راغلي چې سهارنۍ ناشتې عادت او د روغ بدن تر منځ مستقيمه اړيکه ده.
د اسټراليا د موناش په نوم د يوه پوهنتون د راپور پر بنسټ، د سهارنۍ ناشتې نه کول په اصل کې د ورځينۍ مصرفېدونکې کالورۍ په کمولو کې مرسته کوونکې ثابتېدلای شي.
له دغه څېړنې معلومه شوې چې د سهارنۍ ناشتې کوونکي ټوله ورځ زيات خوراک کوي په داسې حال کې چې ناشته نه کوونکي کسان د غرمۍ خوراک پورې هم د لوږې احساس نه کوي، نه وږي کېږي.
د دوی په وينا، مخکې له دې چې د وزن کموالي لپاره د ناشتې مشوره ورکړې، دېته به دې بايد فکر وي چې په دغه کس د ناشتې کول معکوس اثر هم کولای شي.
په دغه څېړنه کې برخه اخيستونکي له دوو تر شپاړلس اوونيو پورې تر تحقيق لاندې و خو د ناشتې کوونکو او نه کوونکو تر منځ د کالورۍ د مصرفولو په اندازه کې زيات فرق نه ليدل کېده.
څېړونکي وايي، تر زياتې مودې پورې د ناشتې کول یا نه کول په بدن څه اغېزه لرلای شي؟ د دې لپاره زياتې څېړنې ته اړتيا ده.
په لندن کې د کنګز کالج د خوراکي شيانو څېړونکی پروفيسر کيون ويلن ويلي، دا څېړنه داسې نه وايي چې سهارنۍ ناشته کول د صحت لپاره مضره ده بلکې په وينا يې ناشته د تغذيې لپاره اړينه ده، په غنمو او شودو کې د کلشيم او فايبر په څېر مهم غذايي اجزاء موجود وي.
د نوموړي په وينا، په دغه څېړنه کې بلکل داسې نه دي ويل شوي چې سهارنۍ ناشتې څخه چاقوالی پيدا کېږي.
