(کابل ټکی کام، ۱۳۹۷، سلواغه ۲۰)
د ټاکنو کمېسيون وياند حفيظ الله هاشمي وايي، ټاکل شوې چې نن د شنبې په ورځ د ولسي جرګې ۸۰ برياليو نوماندانو ته اتخاباتي وثيقې ورکړل شي.
د هاشمي په وينا، دغه بريالي نوماندان د اتلس ولايتونو وکيلان دي او د وثيقو په ورکولو سره به هغوی ته د وکيلانو په توګه د ژر کار پيل کولو زمينه برابره او پر ټاکنو کمېسيون تر يوې اندازې فشار کم شي.
نوموړی وايي، د انتخاباتو په اړه شکاياتونه شته خو ډير کوچني دي زياتوي چې له ۲۵۰۰ کانديدانو څخه به يوازې ۲۳۹ تنه ولسي جرګې ته لاره پيدا کوي چې يوولس تنه پکې د غزني څخه دي چې هلته انتخابات نه دي شوي.
نوموړی وايي، دغه پريکړې وروستۍ دي او تمه ده چې په وروستيو پايلو خلک قناعت وکړي.
د ولسي جرګې له انتخاباتو څو مياشتې تيرېږي خو د سياسي ګوندونو، نوماندانو او شنونکو په باور په ټاکنو کمېسيون کې ناسم مديريت او درغليو له کبله د برياليو وکيلانو اعلان ځنډېدلی دی.
د ټاکنو شکاياتو کمېسيون د ولسي جرګې انتخاباتو وروسته وويل، چې د انتخاباتو په دو ورځو کې ورته شاوخوا ديارلس زره شکايتونه رسېدلي دي.
