(کابل ټکی کام، ۱۳۹۷، سلواغه ۲۰)
طالبانو په يوه راپور کې ويلي، چې تيره جنورۍ مياشت کې د حکومت د بيلابيلو ارګانونو ۷۹۳ منسوبين د طالبانو ليکو ته ورغلي دي.
راپور زياتوي، دغه شمير کسان د (دعوت ارشاد، جلیب او جذب کمېسيون) په هڅو او په بیلابيلو ولايتونو کې د سيمه ييزو طالبانو په هڅو او ملاتړ له حکومتي ليکو بيل او (د حقايقو په درک کولو) دطالبانو سره يوځای شول.
راپور کې راغلي، طالبانو سره یوځای شويو عسکرو له ځان سره بيلابيل ډوله وسلې، مخابرې، وسایط او په زياته اندازه مهمات هم طالبانو ته وروړي دي.
په راپور کې راغلي: ” داسلامي امارت له مجاهدینوسره یوځای شووهیوادوالووعده وکړه چي نوربه دخپل ددین اووطن دخارجي اوداخلي مزدورانوسره هیڅ رازتعلق نه ساتي ،دخپل مظلوم ولس اومجاهدینووروڼوسره به همکاري کوي”.
طالبانو په راپور کې د تسليم شويو کسانو مکمل شهرت هم خپور کړی دی.
طالبان د حکومتي منسوبينو د تسليمېدو او له حکومت څخه د راوتونکو کسانو لپاره د (جلب وجذب او دعوت و ارشاد) په
نوم ځانګړی کمېسيون لري چې تر ډيره هڅې کوي له حکومتي ليکو پوليس، اربکيان، حکومتي منسوبين، نظامي او ملکي چارواکي رابيل یا د طالبانو ليکو ته راولي او يا يې خپل ژوند کولو ته اړ کړي.
