(کابل ټکی کام ۱۳۹۷ سلواغه ۲۱)
د ولسي جرګې غړې او د مسکو د ناستې ګډونواله میرمن فوزیه کوفي وایي، طالبانو ورته ویلي چې دوی د ښځو لپاره ټولو هغو حقوقو ورکولو ته تیار دي، چې له اسلامي قوانینو سره سمون وخوري.
هغه زیاتوي، طالبانو د افغان ښځو پیغام اخیستی چې هغه دا دی “ مونږ شا ته نه ګرځو“ او خپل حقوق غواړو؛ طالبانو ورته مثبت ځواب ویلی او ژمنه یې ورکړې چې میرمنې کولی شي په روغتیایي، ښوونیزو او نورو برخو کې د شریعت له حکم سره سم دندې ترسره کړي.
د مسکو د ناستې د پریکړه لیک ترمخه دواړو لوریو توافق کړی چې د اسلامي ارزښتونو سره سم د تعلیم، کار، سیاسي، اقتصادي او ټولنیزو فعالیتونو په برخه کې د ښځو د حقونو ته باید پام وشي
