(کابل ټکی کام، ۱۳۹۷، سلواغه ۲۹)
د راپورونو پر بنسټ، پاکستان په هند کې له وروستيو پيښو وروسته له نوي ډيلي خپل کمېنشر ورغوښتی دی.
پاکستاني رسنۍ ليکي، چې خپل کميشنر يې د دې لپاره غوښتی څو له هند سره د کړکيچ د زياتوالي پېښيدو پر مهال ورسره سلا مشورې وکړي.
تيره اوونۍ د هند تر کنترول لاندې کشمير د پلواما سيمه کې په يوه سرتيري بريد کې له څلوېښتو زيات سرتيري ووژل شول.
دغه راز نن هم په کشمير کې په يوه نښته کې د یو تن لوړ رتبه افسر په شمول د څلور هندي عسکرو د وژل کېدو خبر ورکړل شوی دی.
د پلواما له پيښې وروسته هندي چارواکو پر پاکستان سختې نيوکې وکړې او دا يې د جیش محمد د ډلې کار وباله چې په وينا يې په پاکستان کې فعاليت کوي.
جیش محمد وسله واله ډله چې د هند او پاکستان پر پوله وسله وال فعاليت لري د پلواما د بريد مسئوليت منلی دی.
