(کابل ټکی کام ۱۳۹۷ کب ۵)
افغان لوبډلې له ایرلینډ څخه د شل اوریزو لوبو لړۍ وګټله او د ټولو لوبو په ګټلو یې د دغو لوبو اتلولي خپله کړه.
نن ایرلینډۍ لوبډلې پچه وگټله او د توپ اچونې پرېکړه يي وکړه؛ په نن لوبې کې یو ځل بیا حضرت الله ځاځی او عثمان غني غوره لوبه پیل کړه چې د ۴۶ منډو ملگرتیا تر جوړولو وروسته عثمان غني په۱۳ منډو خپله وېکټه له لاسه ورکړه
وروسته نجیب ترکی له حضرت الله ځاځی سره ملگرتیا پیل کړه چې تر ۳۱ منډو جوړولو وروسته هغه هم وسوځیده ورپسې ترکی هم په ۱۷ منډو جوړولو اوټ شو.
اصغر افغان هم ۲۰ منډې جوړې کړې ؛ خو تر ټولو زیاتې منډې نبي عیسیٰ خیل وکړې چې په ۳۶ توپونو یې ۸۱ منډې ترسره کړې.
نجیب الله ځدران او شفیق الله شفق ۱۲- ۱۲ منډې جوړې کړې او وسوځیدل؛ په پای کې راشد خان ۷ او شرف الدین اشرف په دریو منډې جوړولو سره ناسوځېدلي پاتې شول او مقابل لوري ته یې ۲۱۱ منډې ټارګیټ ورکړ.
افغان لوبغاړو داځل په توپ اچونه کې ریکارډ جوړ کړ چې راشد خان په ایرلنډي لوبغاړو هټریک وکړ او درۍ لوبغاړي یې په دریو توپونو وسوځول او ټولټال یې ۵ ویکتې ترلاسه کړې.
په دغه هېټریک کې یې یو کس د محمد نبي په کیچ، یو کس د شفیق الله شفق په سټمپ او یو کس په ال بي ډبلیو وسوځوه
نوموړي په ټول سیریز کې ۱۱ لوبغاړي سوځولي دي.
د یادونې وړ ده چې راشد خان په ۲۰۱۷ کې د ویسټ انډیز په پریمیر لیګ کې هم په دریو توپونو درې لوبغاړي سوځولي وو. راشد لومړنی بهرنی لوبغاړی و چې په دغو سیالیو کې هېټریک وکړ.
ټاکل شوې ده چې افغان لوبغاړي به له ایرلینډ سره د سه شنبې پر ورځ د یو ورځنیو لوبو لړۍ پیل کړي
