ډاکټر یوسف اکبری
د افسوس وخت دی چې داسې وخت راغی چې هغه خلک د اسلام لپاره یې وسله جهاد وکړ خلکو د دوی تر قوماندې سرښندنې ورکړې، یو نیم ملیون تر ټولو غوره انسانانو ځانونه د اعلای کلمة الله لپاره قربان کړل، خپل بچي یې بې سرپرسته یتیمان پریښودل، میرمنې یې د بل لاس ته محتاجې کونډې پریښودې دا ټول د دې لپاره چې په هیواد کې یو سوچه اسلامي نظام رامینځته شي.
خو نن همغه مشران چې خلکو پرې باور کړی و له اسلام او اسلامی نظام سره حساسیت لري، جهاد ته یې د ترهګرۍ نوم ورکړ او اسلامي نظام ته ملا شاهي وایی.
تیره ورځ یونس قانونی د لنډغر فهیم د مړینې په کلیزه د خپلې وینا په ترڅ کې وویل چې که طالبان فکر لري چې په افغانستان کې ملا شاهي رامینځته کړي، هیڅکله امکان نلري او نه به اجازه ورکړی او نه به یې پریږدي.
یونس قانوني په ډیرې سپین سترګې سره دا څرګندونې وکړي، او ټوله نړۍ یې ویني چې له تیرو اتلسو کلونو راهیسې پري امریکایی یهود او نصاری پري حکومت کوي خو یوه ورځ یې هم له خولي ونه وتل چې امریکا شاهي نصارا شاهي او یهودی شاهي نه منم خو اوس چې اسلامي نظام د راتلو په درشل کې دی نو د اسلامي نظام د قایمیدو نه ویره لري او ملا شاهي نوم ورته ږدي.
رسول الله ص رښتیا ویلی دی چی بدء السلام غریبا و سیعود غریبا کما بدء اول مرة یعنی کله چې اسلام راغی په خلکو کې بیخي نا اشنا و او یوه ورځ به داسې راشي چې بیا به خلکو یو نا اشنا ښکاری.
نن سره له دې یونس قانوني د اسلام لپاره نږدی 40 کاله مبارزه وکړه خو نن هغه ته هم ځکه نا اشنا ښکاري چې د یهودو او نصاراو په ډالرو یې ماغزه ووینځل شول.
که له یونس قانوني نه وپوښتنو چې که فرضا د طالبانو په لاس د اسلام نظام جوړولو ته ملا شاهي وایی، نو کوم ډول حکومت ته بیا اسلامي نظام وایی چې تا او ستا تنظیم یې ورته 40 کاله مبارزه وکړه؟ ؟
