(کابل ټکی کام، ۱۳۹۷، کب ۱۹)
طالبانو يو ځل د بهرنيانو او حکومتي ځواکونو له خوا د ملکي خلکو د مالي او ځاني زيانونو په اړه اندېښنه ښودلې ده.
طالبانو د ورځې خبره تر عنوان لاندې چې د (اسلامي امارت) پاليسي څرګندوي په مطلب کې په څو ولايتونو کې د ګډو ځواکونو له خوا پر ملکي خلکو شپنيو عملياتو ته اشاره کړې چې د ننګرهار په حصارک کې ديارلس، د ميدان وردګو په سيدا اباد کې اووه، په کندهار کې او هلمند کې دوه- دوه او په غزني کې يې هم د ګڼو خلکو ته مالي او ځآني زيان اړولی دی.
طالبانو د بهرنيانو او حکومت له خوا د ملکي خلکو وژل او هغوی ته تلفات اړول غندي او له يوناما، بشري حقونو ادارو يې غوښتي څو د يادې ولس وژنې له عاملينو پوښتنه وکړي په وينا يې ” په ډیر تاسف سره نه یوازي داچې یوناما اود بشري حقونو زیاتره ټولنو ددښمن روان وحشت غندلی نه دی، بلکې په وار وار یې ددښمن دبربنډو جنایتونو د پټولو هڅې هم کړي دي”.
طالبانو ويلي، یوناما او د بشري حقونو ادارې دې د بهرنيانو او حکومتي ځواکونو پر وحشتونو سترګې نه پټوي او د هغوی دغه ډول کړنې دې وغندي زياتوي ” د روان وحشت دعاملینو دمحاکمه کولو وس که نه لري،نو اقلا په مستقیم او غیر مستقیم ډول خو دې ملاتړ نه کوي”.
