نيوزيلنډ کې د پرونۍ خونړۍ پيښې چې یوه تن د جومات په انګړ او بهر کې پر مسلمانانو قاتلانه حمله وکړه چې په ترڅ کې يې ۴۹ کسان شهيدان شول او لسګونه نور ټپيان شول.
دغه بريد د کرایسټ چرچ ښار په النور جومات کې شوی او بريد کوونکي پر لمونځ کونکو د ډزو صحنه په ژوندۍ بڼه د فېسبوک له لارې خپروله چې ځان يې ۲۸ کلن اسټرالیایی برینټن ټارنټ بللی دی.
نوموړي قاتل لاندې تارخونه په خپل ټوپک ليکلي و:
721م
د تولوز جګړه چې د سمح بن مالک الخولاني په مشرۍ د اموي خلافت او د اودو دوق اقطانیا په مشرۍ رامنځ ته شوه چې سمح په کې ووژل شو.
732م
دا د بلاط الشهداء هعې جګړې ته اشاره ده چې صلیبیان په کې د اموي خلافت پر لښکرو کامیاب شول، دغه جګړه د عبد الرحمن الغافقي په مشرۍ تر سره شوې وه.
1683م
دا د ویانا هغې جګړې ته اشاره ده چې د عثماني دولت پر وړاندې د مسیحیانو په ګټه تمامه شوه.
1688م
د ا د عثماني خلافت پروړاندې د رومي امپراتورۍ د بلګراد حصار ته اشاره ده.
1189م
دا د صلیبیانو دریمې جګړې ته اشاره ده چې د انګلستان د پاچاریچارډ په مشرۍ په عکا وشوه، دوه زره مسلمانان یې په سړه وینه ووژل.
1571م
دا د سمندري لیبانت جګړې ته اشاره ده چې صلیبي ټلوالې د عثماني خلافت په كشتيو بريد وكړ او له منځه یې یوړې.
مارکو انتونیو برګادینو د د وینا د فینسس قومندان و چی د ترکانو سره معاهده ختمه کړه او ټول ترکی بندیان یی ووژل
