کابلوف: د بهرنيانو له وتلو وروسته افغانستان کې د جګړو پيلولو خطر نه شته

(کابل ټکی کام، ۱۳۹۸، وری ۳)

د افغانستان لپاره د روسيې د ولسمشر ځانګړي استازي ضمير کابلوف ويلي، په افغانستان کې د اوربند له اعلان او بهرنيو ځواکونو له وتلو سره به دغه هيواد کې هیڅ ډول جګړې نه رامنځته کيږي.

نوموړي دغه څرګندونې د افغانستان په اړه د چين، روسيې، امريکا او اروپايي اتحاديې د استازو له ګډ مجلس وروسته کړي دي.

کابلوف د تاس خبري اژانس ته په مرکه کې ويلی، ډيری خلک د بهرنيانو له وتلو وروسته په افغانستان کې د قدرت د خلا رامنځته کيدو او د داخلي جنګونو د پيل ويره لري خو په وينا يې يې که اوربند او د بهرنيانو وتل په سمه توګه اداره شي نو دغه ستونزې به رامنځته نه شي.

د کابلوف په وينا، دغه ناسته هم  يادې پروسې سره د مرستې په موخه ترسره شوې زياتوي افغانان بايد د خپلې خوښې حکومت جوړولو ته پريښودل شي، دا به یو نورمال نظام وي چې د طالبانو سره پرې خبرې روانې دي او دا په دې معنا نه چې طالبان پکې بشپړ وا ک ته ورسول شي.

دغه راز کابلوف وايي، د ديموکراتيک نظام په اړه غور روان دی خو په وينا يې د ديموکراسۍ کليمې بد شهرت موندلی او بايد په احتياط سره وکارول شي زياتوي “افغانان خپل عنعنوي دیموکراتیک نظام لري، د هغوی همدا نظام کولای شي د ډيموکراسۍ ډير اړخونه او عناصر پکې ځای شي، اصل خبره دا ده چې د افغانستان نوی حکومت باید د ټولو افغانانو حقوق تضمین کړي”.

کابلوف ويلي، ښايي د سولې پروسه زيات وخت ته اړتيا لري ځکه چې تير څلوېښت کاله په دغه هيواد کې جنګ دی نو ټول اړخونو سنجولو وروسته موافقې ته رسيدل مرستندوی تماميدلای شي.