دهلمند ولایت دملي امنیت ټپي شوی مرستیال ومړ
کابل ټکی کام(دوشنبه،۵وری،۱۳۹۸ ل)
د هلمندولایت د ملي امنيت مرستيال اصف خان د ژورو ټپونو له امله ومړ.
د هلمند د والي وياند عمر ځواک رسنیوته وویل چې اصف خان د بزګر د ورځې د جشن پر مهال په چاودنه کې سخت ټپي شوی و چې د ژورو ټپونو له املهيې د دوشنبې په سهار ساه ورکړه.
ځواک وويل، د پاتې ټپيانو روغتيايي حالت د ډاډ وړ دی، خو د لښکرګاه د اېمرجنسي روغتون يوې سرچينې د نوم نهښودلو په شرط ازادي راډیو ته وویل چې له ۴۵ ټپيانو د ځینو روغتيايي حالت خراب دی چې په دې کې د هلمند د ځوانانو امر غلام غوث داوري هم شامل دی.
سرچينې وويل، که هغه کسان چې روغتيايي حالتيې ښه نهدی، بل ځای انتقال نهشي، امکان لري چې نور هم تلف شي.
د بزګر د ورځي په جشن کې د بريد پړه طالبانو په غاړه اخيستې ده چې ګڼ شمېر رئيسان او دولتي مأمورين پهکې ټيپان او ووژل شول.
