کابل ټکی کام(چهارشنبه،۷وری،۱۳۹۸ ل)
د پاکستان د بهرنیو چارو وزارت په یوه اعلامیه کې ویلي، د افغانستان په اړه د پاکستان د لومړي وزیر عمران خان خبرې ناسمې تعبیر شوې دي. د یاد وزارت له لورې په خپرې شوې خبرپاڼه کې راغلي، پاکستان په افغانستان کې امن او ثبات غواړي او په یاد هېواد کې له بین الافغاني خبرو ملاتړ کوي. سرچینه زیاتوي، عمران خان د افغانستان د سولې او ټاکنو په اړه خبرې کړې دي چې ترې ناسم تعبیر اخیستل شوی دی. د سرچینې په خبره پاکستان تل دا ویلي چې افغان سوله د سیمې په ځانګړې توګه د پاکستان د ثبات په ګټه ده او دوی په افغانستان کې داسې سولې ته د افغانانو رسېدل غواړي چې پکې د ټولو ارادې تمثیل شي. یاد وزارت دا څرګندونې وروسته تر هغه کوي چې د پاکستان د لومړي وزیر عمران خان وروستیو څرګندونو د افغان سیاست والو په ګډون توند غبرګونونه را پارولي او د هغه خبرې یې د افغانستان په چارو کې لاسوهنه بللې ده.
یادونه باید وکړو چې عمران خان دوه ورځې وړاندې رسنیو سره په یوخبري کانفرانس کې دافغانستان دقضیې حل دموقت حکومت رامینځته کېدل یادکړل چې دګڼو حکومتي چارواکو غوسه یې راوپاروله، دادی نن پاکستان دعمران خان دخبرو مقصدبل،اواخیستی برداشت یې ناسم تعبیروباله.
