امریکايي سناتور: بايد پر ټرمپ فشار زيات شي څو له افغانستانه د ځواکونو ايستلو عملي ګام واخلي
(کابل ټکی کام، ۱۳۹۸، وری ۱۳)
امريکايي سناتوران وايي، په امريکا کې دواړه مخکښ ګوندونه دې په ټرمپ زور راوړي څو له افغانستانه د ځواکونو ايستلو لپاره عملي ګام واخلي.
د دیموکرات ګوند سناتور روخانه وايي، دواړه ګوندونه دې په خپلو منځونو کې له اختلافاتو تير او د دې لپاره دې کار وکړي چې له افغانستانه امریکايي عسکر راوباسي.
نوموړي ويلي، له دې وروسته په افغانستان کې د امریکايي ځواکونو پاتې کيدل د امریکا په ګټه نه دي او که عسکر زيات شي هم د افغانستان وضعيت کې به هيڅ ډول بدلون رانوستلای شي.
هغه ويلي، په افغانستان کې د عسکرو په ډيرولو سره نا امني او جګړه لا تونديږي په وینا يې اوس د دې وخت دی چې دغه جګړه بايد له سياسي لارو حل او امریکايي عسکر سلامت خپلو کورونو ته ستانه شي.
په وروستيو کې د امريکا سياستوال، شنونکي او د سياسي ګوندونو غړي په افغانستان کې د امریکايي عسکرو له پاتې کیدو سره مخالفت شوي او غواړي چې څومره ژر کيدلای شي امريکا له دغه هيواد خپل عسکر راوباسي.
