بغلان او جلال اباد کې چاودنې شوي
نن له غرمې وروسته د بغلان په پلخمري او جلال اباد ښار کې چاودنې شوي دي
دواړو چاودنو کې ځاني تلفات اوښتي خو کره شمیر یې لا هم نه دی معلوم شوی
د بغلان ولایتي چارواکو هم پیښه تائید کړې او ویلي یې دي چې دا چاودنه په یو مارکیټ کې رامنځته شوې او یو تن ډاکټر یې وژلی دی
د صحي چارواکو په وینا چې ۱۳ تنه ټپیان د پیښې له ځایه وروړل شوي چې دوه زنانه او دوه ماشومان هم پکې دي
همدا رنګه د جلال اباد ښار ملنګ جان څلور لارې کې هم د یوې چاودنې له امله تلفات اوښتي دي
دا چاودنه په یو موټر ترسره شوې ده
د پیښې له ځایه سیمییز روغتون ته درې تنه ټپیان وروړل شوي دي
د چاودنو مسؤلیت کومې وسلوالې ډلې په غاړه نه دی اخستی
