انجنیر عمیر ویاړ
تر هغې پورې چې په هیواد کې مو د متدینو افغانانو په لاس یو سوچه اسلامي او افغاني حکومت رامینځته کیږي، ډیرې ناخوالې مو ولیدې او ډیری نورې به هم وګورو، په تیرو ورځو کې په تصادف سره دوه داسې پیښې رامینځته شوې چې د حال په ژبه یې افغانانو ته ویل چې خبروو مو مونږ قضاوت خپله وکړئ.
یوه پیښه دا وه چې د پروان په باګرام کې طالبانو د امریکایانو یو ټانک په خښ کړي بم آسمان ته پورته کړ چې له کبله یې څلور امریکایان ځای پر ځای ووژل شول او درې نور سخت ټپیان شول، پر یاده پیښه باندې ع او غ دواړو په یوه خوله سخت خفګان ښکاره کړ، او دا یې یو ستر جنایت وباله، او زیاته یې کړه چې د پیښې عاملین باید ونیول شي او محاکمه کړای شي.
خو له بلې خوا د هلمند په ناد علي کې همدغو وحشي امریکایانو پر یوه بې وزله کورنۍ د شپې لخوا چاپه ووهله چې افغاني تازیان هم ورسره ملګري وو، په کور کې یې درې تنه نارینه ووژل او دوه ښځې یې له کمڅیو ونیولې او د چورلکې تر ځایه یې په راکاږلو کش کړې او په طیاره کې د کوم نامعلوم لوري خواته انتقال کړې.
د یادو میرمنو له جملې نه د یوې میرمنې په غیږ کې یو شپپږ میاشتني تنکی ماشوم ویده و، هغه یې ورڅخه لرې ګوزار کړ او مور یې له کمڅیو ونیوه او طیارې ته راکاږله، ځایی خلک وایی چې د یادو میرمنو پړوني په یو ځای، چپلې یې په بل ځای او د سر ویښتنه یې تار تار په نورو ځایونو کې ومیندل.
خو د امریکا لاسپوڅو او تالي څټو دواړو مشرانو ع او غ خفګان ښکاره کول او یا غندل خو پریږده چې یادونه قدرې یې هم ونکړه، چې آیا په هیواد کې مو څه پیښه شوې ده او که نه؟
غوړه مال او چاپلوس خیاطان دې پیښې ته هم خیاطي کوي او وایی چې دې میرمنو له القاعده سره تړاو درلود، او ځینې نور بیا وایی چې دا خلک ولې د ناموس چیغې وهي؟ کله چې طالبان ښځې په دُرو وهي او یا یې سنګسار کوې افغانان ولې هغه مهال د ناموس چیغې نه وي؟
دا جاهل خیاطان تر اوسه په دې نه پوهیږي چې په دُرو وهل او سنګسارول په قرآن مجید کې راغلي او د خدای امر دی نه د طالبانو. دا جاهلان اصلا غواړي پر اسلام نیوکه وکړي خو د خلکو له ډاره د اسلام پر ځای پر طالبانو نیوکه کوي.
طالبانو ته زمونږ سپارښتنه داده چې کله هم امریکایان له افغانستانه ووتل او د ع او غ حکومت تسلیم شو نو د پخوانیو مجاهدینو په څیر جنایتکارانو ته هیڅکله هم عمومي عفوه اعلان نه کړئ بلکې ټول داسې له مینځه یوسئ لکه د ایران امام خمیني چې توده یان په ایران کې داسې ختم کړل چې تر ننه یې بیا ریښې راونه ټوکیدې، زمونږ مجاهدینو خو همدغه کرغیړن کرکټرونو ته عمومي عفوه وکړه چې نن یې د امریکایانو ټوپک پر خپلو اوګو ایښي او مسلمانان پرې ولي.
