د کندهار په دامان ولسوالۍ کې د بهرنیو ځواکونو په ټانګ ماین چاودنه ترسره شوې ده
د کندهار د ولایتي شوري غړي پیښه تائید کړې او ویلي یې دي، چې دوه تنه بهرني ځواکونه پکې ټپیان شوي دي
طالبانو د برید مسؤلیت منلی دی
د طالبانو ویاند قاري یوسف احمدي یې په اړه وایي، چې د چاودنې له امله ټانګ ویجاړ شوی او پکې سپاره عسکر مړه او ژوبل شوي دي
د طالبانو د نویو الفتح عملیاتو له اعلان وروسته دا لومړی ځل دی چې په بهرنیو ځواکونو برید ترسره کیږي
تر دې څو ورځې وړاندې د بګرام هوایي ډګر ته نږدې هم د بهرنیو ځواکونو په قطار سرتیری برید ترسره شو چې له امله یې ۴ تنه امریکایي عسکر ووژل شوی او درې تنه نور ټپیان شول
