کابل ټکی کام ( دوشنبه، ۲۶وری، ۱۳۹۸ل)
د افغانستان د سولې عالي شورا په قطر کې نننۍ د امریکایي او طالب مذاکراتي ټیم ترمنځ غونډه د سولې پروسې د بریا لپاره مهمه بللې.
د دې شورا ویاند سید احسان طاهري د دوشنبې په ورځ رسنیوته وویل چې دوی غواړي دا غونډه لازم پرمختګونه ولري.
بلې خوادپاکستان د بهرنیو چارو وزیرهم داغونډه مؤثره بللې، او ویلي یې دي چې د افغانستان د سولې لپاره د امریکا ځانګړی استازی زلمی خلیلزاد نن په قطرکې د طالبانو له پلاوي سره خبرې کوي.
طالب ویاند ذبیح الله مجاهد لاهم ددې غونډې په اړه رسنیو ته څه ندي ویلي.
یاده دې وي چې دطالبانو دپسرلني عملیاتو تر اعلان وروسته امریکايي، افغاني، اونورو لوړ پوړو چارواکو دا اقدام وغانده، اوله ښکېلو اړخو یې داوربند غوښتنه وکړه، طالبانو هم په یوه اعلامیه کې دخلیلزاد تر څنګ لوړ پوړي امریکايي چارواکي ملامت وبلل، چې ولې دوی دحکومت په عملیاتو سکوت اختیار کړ، اودطالبانو دفاعي عملیاتو ته دملامتۍ ګوته نیسي.
دالا مالومه نده چې خلیلزاد دعملیاتو په غبرګون، اوداوربند غوښتنې په پارداسفر کړی، اوکه دسولې روانو مذاکراتوپه لړ کې!
