حکمتيار د سولې مشورتي جرګې سره د پريکون ګواښ وکړ
(کابل ټکی کام، ۱۳۹۸، وری ۲۸)
د افغانستان د حزب اسلامي مشر ګلبدين حکمتيار ګواښ کړی که د سولې د مشورتي لويې جرګې په جوړښت کې تغير رامنځته نه شي نو دی او ټيم به يې ورسره پريکون اعلان کړي.
حکمتيار ويلي، د جرګې د غړو ټاکلو او د صلاحيتونو په اړه يې حکومت په خپله تګلاره کې بدلون رانولي نو دی به هم په یاده مشورتي جرګه کې ګډون ونه کړي.
تر دې وړاندې د اجرائيه رياست مشر عبدالله- مرستيال يې، رحمت الله نبيل، حنيف اتمر نورالحق علومي احمد ولي مسعود او يو شمير نورو سياستوالو د سولې مشورتي جرګه نمايشي بللې وايي په دغه جرګه کې به ګډون ونه کړي.
طالبانو هم په يوه اعلاميه کې له خلکو غوښتي چې ياده جرګه د افغانستان ستونزې د حل لپاره به هيڅ کومه مثبته لاسته راوړنه ونه لري او یوازې نمايشتي بڼه لري نو خلک بايد پکې برخه وانخلي.
