نظرمحمد مطمئن: دسولې شعار له ننګونو سره مخ کړی یم
کابل ټکی کام ( شنبه، ۳۱وری، ۱۳۹۸ل)
د سولې فعال مبارز او سياسي شناند نظر محمد مطمئن وايي چې د سولې د داعيې په اړه له امنيتي ګواښونو او ننګونو سره مخ يم.
نوموړي په کابل کې ویسا ورځپاڼې ته ويلي دي چې د سولې د داعيې په اړه له امنيتي ګواښونو سره مخ دی او له حکومت څخه يې د امنيت د خونديتوب غوښتنه هم کړې ده خو په وينا يې چې حکومت يې د امنيت د ساتنې غوښتنه نه ده منلې.
مطمئن ويلي دي تيره ورځ چې په خبري کانفرانس کې د مشورتي لويې جرګې او د ولسمشريزو ټاکنو د ځنډېدو په اړه کومې غوښتنې شوې وې هغه په امنيتي لوريو ښې نه وې لګېدلې نو په همدې اړه زه يو ډول وګواښل شوم.
هغه وويل چې د بيان د ازادۍ د اصولو په رڼا کې هر هيواد وال حق لري چې په هره پروسه کې خپل نظر او دريځ څرګند کړي.
انجينر نظر محمد مطمئن چې د سولې په اړه يې بيلابېلې ليکنې او شننې کړي دي په دې برخه کې فعاليت کوي مګر تر دې
وړاندې دوه ځله د ملي امنيت له لوري نيول شوی دی او په تلويزيونو بحثونو کې د ګډون په اړه ګواښل شوی هم دی.
ښاغلی مطمئن چې د سولې په اړه يې د افغانستان په داخل کې او نورو هيوادونو کې په ګڼ شمير غونډو او کانفرانسونو کې هم ګډون کړی دی، د مسکو غونډې ته هم تللی و او په قطر کې دافغانستان د سولې په اړه بين الافغاني غونډې ته هم بلل شوی و، خو ياده غونډه لغوه شوه.
نوموړی د امنيتي ګواښونو د پيښېدو خبر په په داسې حال کې کوي چې تيره اونۍ يې په خواله رسنيو کې د هغه د فيسبوک حساب هم وربند کړل شوی دی.
همدارنګه دنوموړي دداعیې اومبارزې بل فعال اولیکوال شفیع اعظم هم په خپله ټوېټر پاڼه دخپل اکاونټ دهک خبر ورکړی.
