ونزویلا: د کښتۍ د ډوبیدو له امله لسګونه کسان مړه او نادرکه دي
کابل ټکی کام ( جمه، ۶ غوايي ، ۱۳۹۸ل)
د ونزویلا نه ترینیداد توباګو ته روانه کښتۍ د کاراییب په سمندر کې ډوبه شوې ده.
د ونزویلا رسنیو خبر ورکړی چې په دې کښتۍ کې ټول هغه ناقانونه کډوال سپاره وو چې له ونزویلا نه نورو هیوادونو ته په قاچاقي لاره تلل.
د رسنیو په حواله، دوی له اقتصادي ستونزو نه کړیدل چې له همدې امله نورو هیوادونو ته روان وو.
په ډوبه شوې کښتۍ کې ټول ۳۵ تنه وو چې د ژغورونکو لخوا د ۲۳ تنو مړي موندل شوي دي.
یواځې دوه تنه ژوندي ژغورل شوي او د پاتې نورو لا هم درک مالوم نه دی.
د ژغورونکو ډلو لخوا د پاتې نورو کسانو پلټنې هم دوام لري.
د یادونې وړ ده چې ډوب شوي کسان ټول د ونزویلا هیواد وګړي دي.
