غورځنګ
کله چې امريکا په افغانستان باندې يرغل کاوه نو ځينې بې ځايه او بې منطقه تهمتونه يې ولګول چې ګواکې په امريکا کې تر سره شوي بريدونه د القائده وو لخوا پلان شوي او تر سره شوي دي. او پکې لوی لاس هم د اسامه بن لادن وو،
که څه هم په حقيقت کې دا تهمتونه وو او امريکايانو په دې واسطه غوښتل تر څو پر افغانستان باندې د يرغل لپاره توجيهات ولټوي. نو ځکه يې پر طالبانو د بريد لپاره د ټولې اروپا او نورې نړۍ کفري ملکونه راټول کړل او د ناټو په نامه اتحاديه يې جوړه کړله. او پر افغانستان باندې يې بريد وکړ.
په داسې حال کې چې اميرالمؤمنين (ملا محمد عمر مجاهد) ورته ويل چې په کوم يوه اسلامي هېواد کې به يوه انصافي محکمه جوړه کړو تر څو د عدل او انصاف پرېکړه وکړي نو په هغې باندې به دواړه لوري عمل وکړي. مګر امريکايانو په يوه خوله ويل چې طالب نور د ځمکې پر سر د اوسېدلو حق نه لري.
قضاوت!!
نو اوس راځو دې ته چې که چېرته امريکا په هغه وخت کې سوله غوښتلی او په رښتينې توګه يې پېژندلې وای نو دا اوسني مشکلات به ورته نه پېښېدل، که چېرته امريکا هغه وخت طالب ته د ځمکې پر مخ پر ژوندانه قائله شوې وای نو اوس به اتلس کاله وروسته دا ستونزې نه پېښېدلې.
د يوه دريمګړي په توګه بايد ووايو چې که امريکا پر افغانستان باندې خپل يرغل ځنډولی وای او له افغانانو او طالبانو سره يې د جګړې پر ځای پر يوه بله بديله لاره باندې فکر کړی وای نو دا اتلس کاله به د کال پنځوس ميليارده ډالر د امريکا له بانکونو څخه په يوه غير معقوله او نا انډوله جګړه باندې نه مصرفېدل او هغه هم چې افغانستان ته راشي نو بلکل ورک شي او د يوه څو کسانو شخصي جېبونو ته ولوېږي.
که امريکا جنګ نه وای خوښ کړی او د متعصبو پاپانو او متعصبو عيسوي رهبرانو خبره يې نه وای منلې نو اوس به د امريکا د سوپر طاقت څېره پر ځای وای.
که چېرته امريکا اتلس کاله مخکې سوله په رښتينې توګه پېژندلی نو لاندې ګټې يې تر لاسه کولی شوې:
۱ــ امريکا چې له سوونو کالو راپدې خوا يې غوښتل تر څو په نړيوالو باندې خپل راج ومني او ځان سوپر طاقت اعلان کړي، خو د افغانستان د جګړې له امله يې دا هر څه دړې وړې شول، چې اوس ورته هېڅ يو هېواد هم په هاغه اتلس کاله پخوانۍ سترګه نه ګوي.
۲ــ که چېرته امريکا له افغانانو سره د جنګ پر ځای سوله خوښه کړې وای نو اوس به د امريکا بانکونو سقوط نه کاوه بلکې لا به پکې پرمختګ راغلی وای، نه به هم د امريکا په زرګونو عسکر مړه کېدل او ژوبلېدل،
۳ــ امريکا که چېرته جنګ نه وای خوښ کړی نو اوس به يې نړيوال حيثيت ته زيان نه اوښت بلکې نړيوال حيثيت به يې برقرار ساتل شوی وای، مګر په دې اوږده جنګ يې نړيوال حيثيت بلکل له صف سره ضرب شو.
۴ــ د امريکا په خلاف چې په اسلامي نړۍ کې کومه کرکه موجوده ده دا به هم په دومره کچه نه وای که چېرته امريکا لا وار له مخه سوله په رښتينې توګه پېژندلای.
۵ــ امريکا د خپل يرغل په واسطه د صليبيانو او يهودانو ټول پټ رازونه چې د مسلمانانو په خلاف يې له ډېرو لسيزو راهيسې روان کړي وو؛ افشا او رسوا شول. او مسلمانان ورته د نورو وختونو په پرتله زيات متوجه شول.
۶ــ امريکا ته د خپل يرغل پر اساس دا تاوان هم واوښت چې خپل د ناټو اتحاديان يې اوس پرې بې باوره دي او په ناټويي هېوادونو يې چې کوم اثر او رسوخ پروت وو، هغه يې هم افغانانو د اوږده جنګ په واسطه ورماته کړ.
