بلخ: طالبانو یوه پوځي قرارګاه نيولې
(کابل ټکی کام، ۱۳۹۸، غویی ۹)
د بلخ ولايت په خاص بلخ ولسوالۍ کې طالبانو د دولتي ځواکونو پر يوه قرارګاه بريد کړی چې عسکرو ته پکې مرګ ژوبله اوښتې ده.
ځايي سرچينې وايي، دغه بريد تيره شپه د يادې ولسوالۍ په شرشرک سيمه کې د امنيتي ځواکونو پر يوه ګډه قرارګاه ترسره شوی دی.
د سرچينې په وينا، په غه بريد کې عسکرو ته مرګ ژوبله اوښتې خو د کره تلفاتو په اړه يې نور جزيات ورنکړل.
طالبانو کابل ټکی کام ته په راليږلې خبرپاڼه کې د بريد مسؤليت منلی وايي، یاده قرارګاه يې نيولې او پکې يوولس عسکر وژل شوي، پنځه نور ټپيان دي او نورو خپل مرکز پريښی دی.
خبرپاڼه کې راغلي، د قرارګاه يو ټانګ، شپږ ميله سپکه او درنه وسله او په زياته اندازه مهماتو هم د طالبانو لاسته ورغلي دي.
