کابل: کاونټرپارت امریکایي اداره تر برید لاندې ده
کابل ټکی کام (چارشنبه، ۱۸غوایي، ۱۳۹۸)
کابو یو نیم ساعت وړاندې د کابل ښار لسمې حوزې اړوند د لویې څارنوالۍ سره نږدې د چادونې غږ واورېدل شو او همهاله ورسره ډزې پیل شوې.
د کورنیو چارو وزارت برید تائید کړی او ویلي یې دي چې برید په یوه خیریه اداره ترسره شوی دی.
د کورنیو چارو وزارت وایي چې امنیتي ځواکونه سیمې ته رسیدلي او ژر به حالات قابو کړي.
د برید مسؤلیت طالبانو ومانه.
د طالبانو ویاند ذبیح الله مجاهد په خپل ټویټر لیکلي چې د کاونټر پارک په نوم امریکایي شبکه د دوی د لخوا تر برید لاندې ده.
مجاهد وایي: ”د کابل په نوي ښار اړوند سیمه کې دکاونټرپارټ په نامه امریکايي شبکه چې په هیواد کې په مختلفو غربي تخریبي فعالیتونو کې ونډه لري داسلامي امارت د مجاهدینو تر برید لاندې ده.“
طالب ویاند همدا شیبه په یو بل ټویټ کې په دې شبکه د برید هدف څرګند کړی او ویلي یې دي، په دې اداره کې چې تر ۵۰ پورې کسان اوسیدل؛ ځکه هدف وګرځیدل چې د کابل خلکو ته یې ” د وحشت، ظلم تیریو، له اسلامي احکامو څخه د سرغړونې او غربي فرهنګ“ د خپراوي په برخه کې روزنه او تربیت ورکاوه.
د دې برید په اړه تر اوسه بشپړ مالومات نه دي ترلاسه شوي او نه هم د برید د تلفاتو کره شمیره مالومه ده.
