ملګري ملتونه: د اسرائيلو په ډزو ويشتل شویو ۲۰۰۰ فلسطينيانو څخه د بدن غړي پرې کېږي
(کابل ټکی کام، ۱۳۹۸، غویی ۱۹)
د فلسطينې سيمو لپاره د ملګرو ملتونو د بشري مرستو همغږي جېمي مګولدرېک وايي، ښايي د اسرائيلو په ډزو ويشتل شوي دوه زره فلسطينيانو څخه د بدن غړي يې پرې شي.
د مګولدرېک په وينا، د درملنې او لازمو جراحي عملياتو د نه شتون له کبله د دوه زره فلسطينيانو د بدن غړو د پرې کېدو امکانات ډير کړي دي.
د ملګرو ملتونو یادې سرچينې ويلي، اوولس سوه کسان د احتجاجونو پر مهال د اسرائيلو په ډزو ويشتل شوي چې اوس مهال پېچلو عملياتو او د دوو کلنو لپاره درملنې ته اړتيا لري خو په وينا يې چې له بده مرغه دوی د سمې جراحي او درملنې وړتيا نه لري نو ځکه به يې د بدن غړي پرې کېږي.
