(کابل ټکی کام، ۱۳۹۸، غویی ۲۲)
راپورونه وايي، چې د بغلان ولايت د ملي امنيت رياست مرستيال د طالبانو په بريد کې وژل شوی دی.
د بغلان امنيتي سرچينې وايي، د ملي امنيت اوپراتيفي مرستيال عبدالغفور خان باندې د دوشې ولسوالۍ مربوط، چارشنبې سيمې په کيله ګي بازار کې د طالبانو له خوا بريد ترسره شوی چې نوموړی او يو ساتونکی يې وژل شوي دي.
راپور زياتوي، نوموړي غوښتل چې کابل ته ولاړ شي خو په لاره کې د طالبانو له کمين سره مخ شو.
د سرچينې په وينا، غفور خان لوړی په دغه بريد کې سخت ټپي او وروسته يې روغتون ته پر لاره د سختو ټپونو له کبله ساه ورکړه.
