(کابل ټکی کام، ۱۳۹۸، غویی ۲۶)
د ایران د دفاع وزير عامر حاتمي وايي، چې له خپلو دښمنانو سره يې د جنګ پوره تياری نيولی او د هر ډول ګواښونو مخه به ونيسي.
هغه وايي، یران د هرډول ګواښونو د مخنیوي تر ټولو غوره دفاعي سستم لري زياتوي د امريکا او اسرائيلو يووالی به له ماتې سره مخ کړي.
دا په داسې حال کې ده، چې دوه ورځې مخکې منځني ختيځ ته له سل زره زياتو امریکايي ځواکونو د ليږلو راپورونه ورکول شول او دغه راز د اسرائيلو لومړي وزير نتن یاهو هم د امریکا ملاتړ اعلان کړ او زياته يې کړه چې د ایران د حملې د مخنيوي په هدف له امریکا سره متحد دي او له نورو ملکونو يې هم وغوښتل چې د امریکا سره ودريږي.
په عين حال کې د ایران یوه لوړپوړي چارواکي رويټرز اژانس ته ويلي، چې ایران له امریکا سره هم ديپلوماسۍ ته تيار دی څو یاده ستونزه حل شي او هم جګړې ته تيار دی خو په وينا يې امریکا په منځني ختيځ کې د يو بل جنګي محاذ د پرانيستلو توان نه لري.
دواړو لوريو پر یو بل د احتمالي بريدونو د دفع کولو لپاره تياريانې نيولي دي.
