مشهورفوټبالر رونالډو؛ له فلسطیني بېوزلو سره دملیونونو ډالرومرسته اعلان کړه

کابل ټکی کام ( پنجشنبه، ۲۶ غوايي ، ۱۳۹۸ل)

د نړۍ مشهور او نامتو فوټبالر کریسټیانو رونالډو د روژې مبارکې میاشتې په مناسبت له فلسطیني بیوزلو وګړو سره د یو نیم ملیون یورو چې ۱.۷۰ ملیونه ډالره کیږي، مرستې اعلان کړی.

د 9sportpro او سپوتنیک خبري اژانس د راپور له مخې د پرتګال ملي لوبډلې تکړه لوبغاړي رونالډو  چې په نړۍ کې له بیوزله وګړو سره په مرسته کې ځانګړی نوم لري،  یو وار بیا د فلسطیني بیوزلو سره د ۱.۵ ملیون یورو مرسته کړې.

نوموړي تر دې وړاندې په ۲۰۱۲م کال کې کله چې رونالډو د غوره لوبغاړي (د سرو زرو بوټ) جایزه وګټله، اعلان یې وکړ چې ددغه بوټ بیه چې ۱.۵ ملیونه یورو کیده یوه فلسطیني ناروغ ماشوم چې په غزه کې د تداوۍ لاندې و ورکړي.

دنوموتي فوټبالر رونالډو دغه اقدام دنړۍ د مسلمانانو له لوري خورا ستایل شوی، اونوموړی یې په اوسني عصر کې له بېوزلو ولسي وګړو سره دمرستې واحد بشر پال شخص بللی.