کابل ټکی کام( سه شنبه، ۳۱غوایي، ۱۳۹۸)
د ایران له پلازمېنې څخه د هیواد شمالي برخې ته پر غزیدلې لار د چاونې له امله مرګ ژوبله رامنځته شوې ده.
د ایران رسنیو خبر ورکړی چې چاودنه په لویه لار د زنګولې د سیمې په البرز تونل کې رامنځته شوې ده.
د لومړنیو مالوماتو له مخې چې په پیښه کې ۳تنه وژل شوي وو او ۸ تنه نور ټپیان وو خو وروستي مالومات ښیي چې روغتون ته د وړل شويو ټپیانو له جملې نه ۳ تنه نور هم وژل شوي دي.
دا چاودنه چې د متان ګازو له امله رامنځته شوې، ډیری کسان پکې سوځیدلي هم دي.
ایراني چارواکو تر اوسه په دې اړه له رسنیو سره رسمي خبرې نه دي کړي.
