لیکوال : امین وردګ
په افغانستان کې اوس نړۍ خور ښامار (امریکا) تر ټولو نامرده جګړه روانه کړې .
امریکایانو چې کله په ۲۰۰۱ میلادي کال کې په افغانستان حمله وکړه ، بهانه یې اسامه ابن لادن ؤ ـ چې هغه يې هم باالآخره څو کاله وروسته په اېبټ آباد د پاکستان کې له منځه یووړ! -.
دوی په لومړي سر کې سخت په هوایي او ځمکنیو وسائلو مجهز راغلل او په ډېر غرور او کبر سره یې زموږ ګران ټاټوبی اشغال کړ.
دوی له را تګ سره سم ټول هغه افغان جکړه ماران له ځانونو سره ملګري کړل چې په نړیواله سطحه مجرمین بلل شوي وو او په خپلمنځي جګړو کې یې ټول هغه انساني او بشري قوانین تر پښو لاندې کړي وو چې په بین المللي قطع نامه کې یې هم جرم ثابت ؤ او دی.
مګر بین الملل هم د هغوی په وحشتونو پردې واچولې او د دوی په ټولو ناوړه کړنو یې سترګې پټې کړې.
نه یوازې دا چې ویې بښل ! بلکې په لوړو پوستونو او ارزښمنو تحائفو یې هم راته و نازول او غاښونه یې لا ورتېره کړل.
بیا یې نو افغانستان کور په کور وکوت ، تر څو داسې څوک پيدا کړي چې د دوی مقابلې ته ور ووزي.
مګر هېڅ داسې څوک یې په طول د یوه کال کې پيدا نکړ چې له دوی سره مقابلې ته یې زړه ښه کړی وای.
چې کله دغه کار ګټه و نه کړه ، نو یې نقشه واړوله او داځل یې داسې فریب جوړ کړ چې عادي خلک به یې له کورونو را ایستل ، بیا به یې ښه غټ نوم پرې کېښود او هغه به یې د کیوبا غیر انساني بندخونې ته یووړ او هلته به یې بیا (پرته له دې چې دوسیه یې و څېړل شي او جرم یې ثابت شي ) په ځنځیرونه وتړلو چې تر کلونو – کلونو به هملته پروت ؤ.
خو بیا یې هم څوک مخې ته خنډ نه شول ؛ تر دې چې د مقدساتو په توهین او د نوامیسو په تحديد یې لاس پورې کړ ، چې موږ په لسوګونو داسې پېښې لرو او هېڅ باوجدانه کس نشي پرې منکرېدای.
لنډه دا چې ؛ د دوی له اشغال څخه نږدې دوه نیم کاله وروسته (د طالبانو په نوم) بیا افغان مبارزین راپورته شول ؛ چا به ویل لېونیان دي ، چا به ویل دا دوی په خپله روزلي ، چا به څه ویل او چا څه… تر دې چې افغاني لښکرې یو ځل بیا ـ تر واحدې قوماندې لاندې ـ د افغانستان په ګوټ ګوټ کې راوټوکېدلې او په غربي
ښکېلاک یې بې ساري ناتار جوړ کړ.
بیا نو چاپې پسې پيل شوې ؛ نن په هغه کلي کې ، سبا په دغه او بله ورځ په هغه بل… کې.
چاپو نو بیا لومړی عام وګړي دومره و بېرول ، چې زیاترو تورسرو به آن هغه خپل اولادونه هم ضایع کول.
په کومه شپه به چې چاپه وه ، داسې به انګېرل کېده چې ګني په بمونو به یې په لسګونو کلي نړولي وي ، خو چې سبا به د پېښې ځای ته خلک ورغلل ؛ یا به یې یو جومات او دوه کوره نړولي وو ؛ یا هم یو کور او دوه، یا یو جوماتونه.
دوی چې اوس هم کله شپنيٍ عملیات کوي ، یا په عامه اصطلاح چاپې وهي ؛ نو تخمیناً ۳۰۰ کیلومتره مربع ساحه د ډرون یا B52 الوتکو په واسطه په حلقه کې راولي ، همدا راز… تخمیناً 55 کیلو متره مربع ساحه د چورلکو (چې په عامه اصطلاح کې جنګۍ ورته ویل کيږي) په حلقه کې نیسي او بیا له مختلفو زاویو څخه په همغه یوه ځای مرمۍ اوروي ؛ ځکه خو هغه وخت سړی سم نه پوهيږي چې غم په کوم کلي او یا کوم کور دی ؟ که نه! په ټوله دره قیامت جوړ دی؟
د تشو ورکتلو حق هم څوک نه لري !
که په دغې کړۍ کې (چې دوی اشغال کړې) کومې تورسرې د خپلې کوټې له کړکۍ څخه دېباندې وکتل هم په سرـ سر ويشتل کيږي.
غل د شپې له خوا ښه راحت کولای شي چې د چا کورته ورشي ! ځکه چې د چاپې په وخت کې له کوټې د راوتلو اجازه نشته ، آن په ځای کې هم که څوک ناست او یا ولاړ وليدل شول ؛ هغه بیا د وحشیانو له خوا په مرمیو ویشتل کيږي.
نو که غل کوم کور ته ورشي هم هغوی سم نه پوهيږي چې غله دي که چاپه ده؟
نو ځکه خو د شپې له خوا سړی غله ته د وروتلو جرئت هم نشي کولای او بله دا چې ؛ وسلې هم په کورونو کې نشته ! هغه ځکه : که په کوم کور کې کچه وسله هم ګير شوه ؛ هغه کس طالب دی، یا به ځای پر ځای ویشتل کيږي او یا به بیا ۱۵ کاله زندان تېروي.
چې کله یې کوم کورته زړه وشي ، په سړه سینه یې بمباروي ! هغه نو که هرڅومره تورسرې او ماشومان پکې شهیدان شول ؟ سبا بیا څوک د سولئيزې مظاهرې قدر حق هم نه لري ؛ که وغواړي چې خپل بې ګناه ماشوم جسدونه لویو لارو ته راوباسي ؛ هغه بیا د کابل ادارې له پوستو څخه په ډزو ویشتل کيږي ؛ ما نا دا چې هر وحشت امریکایان کوي ، افغان ملګري یې په دوه چنده ورسره شریک دي ! ځکه چې پردې یې کوي او نه غواړي چې نور افغانان پرې خبر شي.
رسنۍ هم ګونګې دي، یوازې زوګربروک دی که څه بلا؟ دغه سړي لږ فیسبوک کې اجازه کړې، کنه خدای خبر چې لا به څه پسې کېدل؟
خو د دغو ټولو وحشتونو سره ـ سره بیا هم اصیلو افغانانو د دوی غیر انساني قوانینو ته سرونه خم نه کړل او مرګ یې تر ارګ ښه وبللو.
تر دې چې د الله په جوماتونو پسې يې راواخیسته.
محض بهانه ! چې کله یې د ډرون کېمرو له لارې کوم جومات خوښ شي او له ځان سره ووایي چې: دا خو ښه جوړ شوی او یا جماعت ډېر دی پکې (مانا خلک یې دینپرست او متقیان دي) بس یې ورته کش کړي، یا د شپې چاپه پرې ووهي او په جيټو یې بمبار کړي ؛ سبا چې خلک ورشي ؛ یا څو مونځ کوونکي او یاهم ، یو یا دوه طالبان له خاورو راوباسي.
همداراز…په زندانونو کې هم له افغانانو سره هغه سلوک کيږي چې په انساني قاموس کې قطاً نشته.
چې نوره لاره پرې ورکه شي ، بیا نو د ښارونو خوا ته مخه کړي (!)
له ډېرې لوړې فضا څخه د ښار په منځ کې (چېرې چې د تورسرو او ماشومانو یا سپينږيرو ښه ګڼه ګوڼه وګوري) توغندي را وتوغوي ، بیا نو نوم هم د ((انتحاري!؟)) پرې کېږدي.
