کابل ټکی کام( جمعه، ۱۰غبرګولي، ۱۳۹۸)
امریکا، متحده عرب امارات، سعودي او اسرائیلو په دې وروستیو کې ایران تر سختو فشارونو لاندې راوستی او وخت ناوخت د دې هیواد د ناوړه کړنو په اړه سختې څرګندونې کوي.
تیره ورځ چې د سیمییزو هیوادونو بیړنۍ سرمشریزه روانه وه او د شپې تر ناوخته پورې یې دوام وکړ، اکثره خبرې د دوی له فکره په دې وروستیو کې د ایران لخوا پیښو ګواښونو ته ځانګړې شوې وې.
په دې سرمشریزه کې د سعودي پاچا ملک سلمان د خپلې وینا پر مهال ایران د نړۍ د امنیت لپاره ستر ګواښ وباله او له ټولو هیوادونو یې غوښتنه وکړه چې د ایران د کړنو مخه دې ونیسي.
سلمان له نړۍوالو ټولنې غوښتنه کړې چې د ایران لخوا دې د نورو هیوادونو په چارو کې د لاسوهنې مخه ونیسي.
نوموړي د متحده عرب اماراتو په تیلو وروستیو بریدونو ته په اشارې ویلي چې له هغو بریدونو وروسته نړۍوالې سمندري سوداګرۍ ته د ایران زیات کواښ متوجه شوی دی.
د مې میاشتې په لومړیو کې د متحده عربي اماراتو په سواحلو کې د دې هیواد د تیلو ذخیرې په نښه شوې.
سعودي او امریکا دا کار د ایران بولي.
د امریکا د ملي امنیت سلاکار جان بولټن هم وړمه ورځ ویلي وو چې د تیلو په کانټینرو برید د ایران کار دی او په وینا یې چې په فارس خلیج کې به د ایران هر رنګه تیري ته ځواب ووایي.
ایران بیا دا ادعا د خندا وړ بللې وه.
