(کابل ټکی کام، ۱۳۹۸، غبرګولی ۱۳)
د امريکا د بهرنيو چارو وزير مایک پامپيو ويلي چې له کومو پخوانيو شرطونو پرته له ایران سره خبرو کولو ته تيار دي.
پمپيو دغه څرګندونې تيره ورځ په سويس کې له خپل سيال ايګنازو کاسيس سره د ليدو پر مهال کړي دي.
هغه وويل: “موږ له پخواني شرط پرته هغوی سره خبرو ته چمتو یو، تیار يو چې ورسره کښېنو خو په وينا يې چې د ایران اسلامي جمهوريت او سپاه پاسداران د ورانکارو فعاليتونو د له منځه وړلو لپاره به امريکا خپلې هڅې جاري ساتي”.
د امريکا او ايران تر منځ وروسته له هغې اړيکې خرابې شوې چې امريکا ايران سره له اتومي تړونه ووته او شاوخوا یو کال کيږي چې پر ايران يې بنديزونه لګولي، په وروستيو کې یو بل ته ګواښونه کوي، امريکا سيمې ته اضافي عسکر استولي، څو د ایران د ممکنه ګواښونو مخه ونيسي.
لا هم پر ايران د امريکا بنديزونه دوام لري چې شاوخوا یوه نيمه اوونۍ وړاندې امريکا ايران سره د خبرو لپاره لس شرطونه ايښي و تر څو هغه پوره کړي او بيا امريکا سره خبرې وکړي خو معلومه نه د چې امريکا ولې له خپلو شرطونو تيره او ايران سره يې د خبرو لپاره تیاري نيولی.
