کابل ټکی کام ( دوشنبه ، ۲۰ غبرګولی ، ۱۳۹۸ل(
د قزاقستانۍ رسنیو د راپورونو په اساس ددې هېواد یو شمېر اوسیدونکي وايي چې اساسي حقونه یې تر پښو لاندې شوي او د ټاکنو د هغې پروسې پرضد دریدلي چې پایله یې مخکې له مخکې پلان شوې، اوتطبیق شوې وه.
سلګونه قزاقستاني وګړو پرون د قزاقستان په څو ښارونو کې لاریونونه وکړل، اودخپلو حقونو ددفاع شعارونه یې لېږدول.
د قزاقستان د کورنیو چارو وزارت بیا ویلي چې دې خلکو له اجازې پرته لاریون کړی.
د دغه وزارت مرستیال مرات قاژییف ویلي چې په همدې اساس یې په الماتې او نورسلطان ښارونو کې ۵۰۰ لاریون کوونکي نیولي.
د موقت ولسمشر قاسم جومارت توقایف پر وړاندې د حکومت لهخوا په دې کنټرول شویو ټاکنو کې شپږ تنه کاندیدان ولاړ وو چې ډېر مشهوره نه و.
د دغه هېواد د ټاکنو کمېسیون ویلي نږدې دولسو میلیونو کسانو رایه ورکړې چې دا د ثبت شویو کسانو ۷۷ سلنه جوړوي. موقت ولسمشر جومارت توقایف چې په خپلې بریا ډاډمن و پرون یې له رأیې اچونې وروسته وویل چې لاریونوال او پولیس باید ارامه و اوسي او دی به د لانجې د هواري لپاره یوه کمېټه جوړه کړي.
تراوسه نه هم لاریونوال له بنده ازاد شوي اونه هم ددې لانجې دهوارۍ لپاره کوم اقدام شوی، یوشمېر قزاقستاني رسنیو بیا ددې بحران دختمېدا عاجله سپارښتنه کړې.
ددوی په وینا که لانجه هواره نشي بدې پایلې به ولري.
