پیټ بتیجیج: د افغانستان جګړه باید ختمه شي، کانګرس دې د ټرمپ صلاحیتونه لغوه کړي
کابل ټکی کام( چهارشنبه، ۲۲غبرګولي، ۱۳۹۸)
د دیموکرات ګوند لخوا د امریکا ولسمشریزو ټاکنو ته نوماند پیټ بتیجیج وایي چې په افغانستان کې د امریکا روانه بې ځایه جګړه باید ختمه شي.
بتیجیج په ډونالډ ټرمپ نیوکه کړې چې ګواکې د افغانستان د جنګ د ختمولو نعرې وهي خو عمل یې لا هم نه دی پرې کړی، دی ټینګار کوي چې دا جګړه باید ژر تر ژره ختمه او ځواکونه راوایستل شي.
نوموړي د امریکا په کانګرس غږ کړی چې له ټرمپه باید د جنګ کولو صلاحیت واخستل شي.
نیویارک ټایمز لیکلي، چې بتیجیج ۳۷ کاله عمر لري او خپله هم ۷ میاشتې د افغانستان په جګړه کې پاتې شوی دی.
بتیجیج دا خبرې په داسې حال کې کوي چې امریکا له طالبانو سره په خبرو بوخته ده او له افغانستانه د امریکایي ځواکونو پر څرنګه وتلو فکر کوي.
ویل کیږي خلیلزاد به د دې ځل سفر په ترڅ کې له طالبانو سره په همدې خبره موافقه وکړي چې ځواکونه به له افغانستانه وباسي او طالبان به د اینده افغانستان ضمانت ورکوي چې د چا په ضد به یې نه استعمالوي.
