کابل ټکی کام( جمعه، ۲۴غبرګولي، ۱۳۹۸)
د ۲۰۱۹م کرکټ نړیوال جام سیالیو کې سبا ته د افغانستان ملي لوبډله له سویلي افریقا سره لوبه لري.
سبانۍ لوبه به د افغانستان پروخت ۵ بجې د ویلز په کارډیف لوبغالي کې ترسره شي.
په دې جام کې د افغانستان دا څلورمه لوبه ده چې کوي یې، تردې وړاندې یې درې لوبې کړي او ټولې یې بایللي دي.
افغانستان په دې جام کې څلورمه لوبه په داسې حال کې کوي چې کرکټ بورډ ځیني تغیرات راوستي دي.
په دې لوبه کې تکړه توپ وهونکی شهزاد محمدي هم نشته او په ځای اکرام علیخیل لوبیږي.
کرکټ بورډ په دې وروستیو کې له سخت فساد سره لاس او ګرېوان دی، ډیری خلک فضلي د دې هر څه لامل بولي.
له بي بي سره شهزاد محمدي نن په یوه تازه مرکه کې ویلي چې لوبډله به د کینیا د لوبډلې په برخلیک اخته شي چې په یو وخت کې په نړیوال جام سیالیو کې تر سیمي فاینله رسیدله خو اوس ورسره څوک لوبې ترسره کولو ته زړه نه ښه کوي.
