تاجکستان په هېواد کې خپلې دوې کنسلګرۍ تړلي دي

کابل ټکی کام (جمعه ۲۵ مرغومي ۱۳۹۴ ل) عبدالله هاشمي
د بهرنیو چارو وزارت وايي چې ګاونډي هېواد تاجکستان د لنډې مودې لپاره په کندز او بدخشان کې خپلې کنسلګرۍ تړلي دي.
د بهرنیو چارو وزارت ویاند شکیب مستغني رسنیو ته ویلي دي چې په دواړو ولایتونو کې د امنیتي اندېښنو له وجې کنسلګرۍ تړل شوې دي.
دی زیاتوي چې په کابل کې د تاجکستان سفارت دغه موضوع د افغانستان د بهرنیو چارو وزارت سره شریکه کړې ده، او هغه مکتوب چې د تاجکستان د بهرنیو چارو وزارت په افغانستان کې خپل سفارت ته رالیږلی وو سپارلی دی.
دی وايي چې د تاجکستان حکومت په مکتوب کې لیکلي دي چې دا کار د لنډې مودې لپاره شوی دی او چې کله هم امنیتي ستونزې حل شي، کنسلګرۍ به په فعالیت شروع وکړي.
دا پداسې حال کې ده چې په شمال کې چارواکو د کندز د یوځل بیا سقوط د احتمال خبردارۍ ورکړی دی.