پاک ـ هند مذاکرات وځنډېدل

کابل ټکی کام (جمعه ۲۵ مرغومي ۱۳۹۴ ل) عبدالله هاشمي
هندي رسنیو د هندوستان د بهرنیو چارو د وزارت له قوله خبر ورکړی، چې د پاکستان او هندوستان ترمنځ خبرې ځنډېدلې دي.
د دغه وزارت ویاند وکاس سواروپ خبریالانو ته په نوي ډيلي کې وویل چې کومه اټکل شوې غونډه چې نن د جمعې په ورځ په اسلام اباد کې کېدونکې وه د دواړو هېوادونو په موافقه سره ځنډېډلې ده، او کېدای شي چې د دواړو هېوادونو په همغږۍ سره ډير ژر پیل شي.
پاکستان پرون د پټان کوټ په حمله کې د لاس درلودلو په شک د يو څو کسانو د نیولو خبرونه ورکړي وو.
هندوستان پاکستان پدې حمله کې تورن بولي او وایي چې په اړه دې جدي اقدام وکړي.