انجنير عمير وياړ
غرب عموماً د ساړه جنګ په دوران کې هم او اوس هم اسلام د ځان له پاره یو جدي خطر ګڼي؛ هغوي د یو نړیوال استکبار په توګه کوښښ کوي، چې ټوله اسلامي نړۍ د غلامۍ په کړۍ کې را ایساره کړي او هیڅوک د هغوي د غلامۍ له کړۍ نه سر ونه باسي.
لویدیځوال په یو شمیر مسلمانو ټولنو د ترهګری څیر تورونو په لګولو سره په یادو اسلامی ټاټوبو کې د خپلو صلیبي لښکرو یرغل توجیه کول غواړي، چې عراق او افغانستان یې ښه نمونه ده.
هغه څوک چې اسلامي نړۍ کې خپلواکي غواړي او یا د خپلې خپلواکۍ لپاره خپله وینه ورکول غواړي، هغه دوي ته د منلو وړ نه دی او دا دښمني څه اوسنۍ نه ده دحق او باطل جنګ د اسلام له پیله شروع شوی دی او لکه څرنګه چې پیغمبر علیه السلام فرمایي: ( الجهاد ماض إلى يوم القيامة ) دحق او باطل دغه جنګ به تر قیامته دوام لري، غرب په ازادۍ مین هر انسان خپل دښمن ګڼي. اسلام هغه دین دی چې په کې انسان د انسان غلام نه دی، بلکې اسلام انسان ته دازادۍ تلقین ورکوي.
همدغه روحیه ده چې غرب له هغې سره دښمني لري، همدغه مفکوره غرب د خلکو له ذهن نه ویستل غواړي تو څو په راتلونکي کې داسې نسل پیدا نه شي، چې هغه پوره د خپلې دیني او بشري ازادۍ څښتن وي. اسلام انسان ته د ازادۍ پیغام ورکوي، اسلام هیڅکله د بنده بنده ګي پر بنده نه مني؛ البته انسان د خالق لایزال د بنده ګۍ لپاره پیدا شوی دی، انسان باید ازاد وي، د خدای پر ځمکه باید یواځې د یو څښتن تعالی قانون وي او په هغې کې باید یو انسان د بل د امر او نهي او قانون تابع نه وي؛ ځکه چې په دنیا کې یوازې یو قانون دی او هغه الهي قانون ګڼل کیږي ، البته دغه قوانین، چې غرب د ځپلو منافعو د تامین لپاره وضع کړي دي او انسان اسیرول او ایلول غواړي ، له هغه سره په ټکر کې دي ، همدغه یې اصلي لامل دی، چې غرب له اسلام سره دښمني لري او دا د هغه تیر جنګ لړۍ ده ، نن یې په افغانستان او نورو مسلمانو ملکونو کې امریکا ، ناټو او …. ددغه میدان لوبغاړي دي؛دوی ټول کوښښ کوي چې د اسلامي نړی په ګوټ ګوټ کی خپله دنده د غرب پر ګټه راوڅرخوي او د خپلو مشرانو په څیر مسلمانان پربیلا بیلو تورونو تورن کړي.
