کابل ټکی کام ( سه شنبه ، ۲۸ غبرګولی ، ۱۳۹۸ل)
چين دامريکا او ايران وروستی کړکېچ ځورونکی بللی، او واشنګټن ته يې ايران سره دښه برخورد سپارښتنه کړې.
چين زياتوي، د واشنګټن او تهران ترمنځ د پوځي شخړې د پېښېدو اندېښنې مخ په زیاتېدو دي.
نو ځکه امریکا ته پکار ده چې پر تهران دې زیات فشار نه اچوي، بلکه دخبرو له لارې دې ددې لانجې حل ته کتنه وکړي.
د چین د دولتي شورا رییس وانګ یې د جون په ۱۸مه په پیکنګ کې د سوریې د بهرنیو چارو وزیر سره په لیدنه کې دا څرګندونې کړې دي.
نوموړي پر امریکا غږ کړی دی چې له ایران سره دې د هغې هوکړې په چوکاټ کې عمل وکړي چې له نړیوالو سره یې د خپل اټومي کړنو په اړه کړې ده.
ايران او واشنګټن دامهال په سختو اختلافاتو کې قرار لري، چې وخت ناوخت يو بل ته سختې ګوتڅنډنې، او يوپربل کلکې نيوکې هم کوي.
