کابل ټکی کام (جمعه، مرغومی ۲۵مه، ۱۳۹۴ ل):
له کونړ ولایت اسمار ولسوالۍ نه راپورونه وايې، چې د هاوان یوې نا چاودېدلې مرمۍ له امله ۴ ماشومان وژل شوي .
د کونړ امنیه قومندان عبدالحبیب سیدخیلي رسنیو ته ويلي، چې تېره ورځ ماښام مهال دغو ماشومانو د هاوان یوه مرمۍ مېندلې او لوبې يې ورسره کولې پرې چاودېدلې، چې له امله يې څلورتنه ماشومان وژل شوي.
سیدخيلی زیاتوي، چې داپېښه د یادې ولسوالۍ په شنګر سیمه کې رامنځ ته شوې ده.
نوموړي دغه راز ويلي، چې وژل شوي ماشوماان درې وروڼه او یو د کاکا زوي وه .
سلیم بریال
