(کابل ټکی کام، ۱۳۹۸، چنګاښ ۸)
ټاکل شوې چې نن د شنبې په ورځ د قطر په مرکز دوحه کې د طالبانو او امریکا تر منځ اووم پړاو خبرې پيل شي.
طالب وياند ذبیح الله مجاهد پرون په خپله رسمي ټويټرپاڼه د دغه خبرو د پيلېدو خبر ورکړ :” سبا د شنبې په ورځ به له امریکایي پلاوي سره د اسلامي امارت د مذاکراتي ټیم لخوا د قطر په مرکز دوحه کې د اووم دور مذاکرات پیل شي”.
څو مياشتې کېږي چې امريکا طالبانو سره د افغان جګړې ختمولو او خپلو ځواکونو ايستلو پر سر خبرې پيل کړي چې وروستي ځل يې یوه مياشت مخکې خبرې وکړې خو کومه تر اوسه په دغه خبرو کې کومه پريکړه نه ده شوې.
دواړو غاړو له دغه مذاکراتو خوښي ښودلې او د سرچينو په وينا، اووم پړاو مذاکرات به برخليک ټاکوونکي او ښايي ځينې پريکړې پکې وشي.
څو ورځې مخکې د امریکا د بهرنیو چارو وزیر مایک پامپیو کابل ته د سفر پر مهال وویل، واشنګټن تمه لري چې د سپټمبر تر لومړۍ نېټې مخکې [په افغانستان کې] د سولې يوه موافقه وشي.
